عالمی ادارہ صحت کا کہنا ہے کہ کورونا وائرس کے پھیلاؤ میں تیزی آرہی ہے اور دنیا بھر میں جمعرات کو نئے ڈیڑھ لاکھ کیسز سامنے آئے، جن میں آدھے سے زیادہ امریکا میں تھے۔
ڈبلیو ایچ او کے جنیوا ہیڈکوارٹر میں وڈیو بریفنگ کے دوران ڈائریکٹر جنرل ٹیڈرس نے بتایا کہ اس وقت دنیا ایک نئے اور خطرناک مرحلے میں ہے، کورونا وائرس اب بھی تیزی سے پھیل رہا ہے اور یہ اب بھی جان لیوا ہے۔
ڈاکٹر ٹیڈرس کا کہنا تھا کہ نئے کیسز کی زیادہ تعداد امریکا میں سامنے آرہی ہے۔ انہوں نے ایک مرتبہ پھر لوگوں سے سماجی فاصلہ اور انتہائی الرٹ رہنے پر زور دیا۔
غیر ملکی میڈیا کے مطابق اب تک کورونا وائرس سے دنیا بھر میں 4 لاکھ 53 ہزار 834 افراد جان کی بازی ہار چکے ہیں۔
