بانی پی ٹی آئی عمران خان کو آنکھ کے علاج کے فالو اپ کے لیے پمز اسپتال میں اینٹی وی ای جی ایف انٹرا ویٹرل انجیکشن کی دوسری خوراک دے دی گئی۔ 74 سالہ عمران خان کو اڈیالہ جیل سے علاج کے لیے پمز منتقل کیا گیا۔
ایگزیکٹو ڈائریکٹر پمز کے مطابق کارڈیالوجسٹ نے ایکوکارڈیوگرافی اور ای سی جی کیا جو نارمل رہا، جبکہ دورانِ قیام اور پروسیجر کے بعد ان کے وائٹل سائنز مستحکم رہے۔
اعلامیے کے مطابق یہ عمل ڈے کیئر سرجری کے طور پر ماہر اوفتھلمولوجسٹ اور وائٹریو ریٹینل سرجن کی نگرانی میں مکمل کیا گیا، جس کے بعد ضروری ہدایات اور فالو اپ مشوروں کے ساتھ انہیں ڈسچارج کر دیا گیا
