کمشنر راولپنڈی لیاقت علی چٹھہ کا تبادلہ کر دیا گیا

انتخابی نتائج بدلنے کا دعویٰ کرنے والے کمشنر راولپنڈی لیاقت علی چٹھہ کا تبادلہ کر دیا گیا ہے۔

لیاقت چٹھہ کو فوری طور پر سروسز اینڈ جنرل ایڈمنسٹریشن ڈیپارٹمنٹ رپورٹ کرنے کی ہدایت کی گئی ہے۔

ڈی جی آر ڈی اے سیف انور کو کمشنر راولپنڈی کا اضافی چارج سونپ دیا گیا ہے۔

واضح رہے کہ کمشنر راولپنڈی لیاقت علی چٹھہ کی جانب سے انتخابی بے ضابطگیوں پر مستعفی ہونے اور خود کو پولیس کے حوالے کرنے کا اعلان سامنے آیا۔

لیاقت علی چٹھہ کا کہنا تھا کہ میں اپنے کرب کا بوجھ اتار رہا ہوں، سکون کی موت چاہتا ہوں، راولپنڈی ڈویژن کے 13 ایم این ایز ہارے ہوئے تھے، انہیں 70، 70 ہزار کی لیڈ دلوائی، ملک کے ساتھ کھلواڑ کیا ہے، میرے ساتھ چیف الیکشن کمشنر کو بھی سزائے موت دی جائے