باکسر عامر خان کی سابقہ اہلیہ فریال مخدوم نے کہا ہے کہ ان کے اور عامر خان کے حریف باکسر اینتھونی جوشوا کے ساتھ کوئی تعلقات نہیں ہیں اور اس سلسلے میں عامر خان کو ان کی گفتگو پر مبنی جو سکرین شاٹ بھیجے گئے تھے وہ جعلی تھے۔
فریال نے ٹوئٹر پر ایک پیغام میں کہا کہ وہ جوشوا سے کبھی نہیں ملیں، لیکن سکرین شاٹ دیکھ کر عامر غصے میں آ گئے اور انھوں نے اپنا غصہ ٹوئٹر پر نکالا۔ اس غصے کے نتیجے میں گذشتہ ہفتے دونوں کے درمیان علیحدگی ہو گئی تھی۔
فریال نے کہا ہے یہ سارا ہنگامہ غلط فہمی کی بنا پر پیدا ہوا تھا تاہم اب فریقین کے درمیان ساری غلط فہمی دور ہو گئی ہے۔
