حماس ترجمان باسم نعیم نے عرب میڈیا سے بات کرتے ہوئے کہا کہ اب دیکھنا یہ ہے کہ بین الاقوامی برادری قرارداد پر عملدرآمد کے لیے اسرائیل پر کس طرح زور ڈالتی ہے۔
انہوں نے مزید کہا کہ اقوام متحدہ کی قرارداد دونوں طرف کے قیدیوں کے فوری تبادلے کے لیے تیار ہونے پر بھی زور دیتی ہے۔
پچھلے سال 7 اکتوبر کو اسرائیل پر حماس حملوں کے جواب میں اسرائیل کی جوابی کارروائیوں میں اب تک 32 ہزار سے زائد فلسطینی شہید ہوچکے ہیں، ان میں 13 ہزار بچے بھی شامل ہیں۔
