گرین لینڈ پر امریکی دعوی

امریکی صدر ڈونلڈ ٹرمپ کا کہنا ہے کہ روس اور چین کے اثر و رسوخ کو روکنے کے لیے امریکہ کو گرین لینڈ کی ’’ملکیت‘‘ حاصل کرنا ضروری ہے۔ جمعہ کے روز بی بی سی کے سوال پر صحافیوں سے گفتگو کرتے ہوئے صدر ٹرمپ نے کہا کہ ممالک کو ملکیت رکھنی پڑتی ہے کیونکہ ’’لیز کا دفاع نہیں کیا جا سکتا بلکہ ملکیت کا ہی دفاع کیا جاتا ہے‘‘۔

ٹرمپ نے مزید کہا کہ امریکہ کو گرین لینڈ کا دفاع کرنا ہوگا اور یہ کام ’’آسان طریقے‘‘ سے بھی ہو سکتا ہے اور ’’مشکل طریقے‘‘ سے بھی۔

وائٹ ہاؤس کے مطابق امریکی انتظامیہ ڈنمارک کے زیرِ انتظام نیم خودمختار خطے گرین لینڈ کو خریدنے کے امکان پر غور کر رہی ہے، تاہم اس بات کو بھی مسترد نہیں کیا گیا کہ ضرورت پڑنے پر طاقت کے ذریعے اسے اپنے قبضے میں لیا جا سکتا ہے۔

دوسری جانب ڈنمارک اور گرین لینڈ کی حکومتوں نے واضح طور پر کہا ہے کہ گرین لینڈ فروخت کے لیے نہیں ہے۔ ڈنمارک کا کہنا ہے کہ اگر فوجی کارروائی کی گئی تو اس سے ٹرانس اٹلانٹک دفاعی اتحاد (نیٹو) کا مستقبل خطرے میں پڑ سکتا ہے