پیپلز پارٹی پنجاب کے سیکریٹری جنرل ندیم افضل چن نے اپنے بھائی کے تحریک انصاف میں شامل ہونے پر عہدے سے استعفیٰ دیدیا ۔
ندیم افضل چن نے کہا کہ پارٹی عہدے سے استعفیٰ بھائی وسیم چن کے پی ٹی آئی میں شمولیت کے باعث دیا ، انہوں نےاستعفیٰ میں مرکزی قیادت کو یقین دہانی کرائی کہ وہ عہدہ چھوڑر ہے ہیں پارٹی نہیں ۔
انہوں نے مزید کہا کہ بھائی کے مخالف پارٹی میں جانے کے بعد اب میرا پارٹی عہدہ رکھنا اخلاقی طور پر مناسب نہیں ۔
پی پی قیادت نے ندیم چن کا استعفیٰ منظور کرنے سے انکار کردیا ہے اور آصف زرداری نے ملاقات کے لئے انہیں آج شامل بلاول ہاوس بلالیا ہے ۔
