کمشنر بہاولپور ڈویژن ثاقب ظفر نے کہا ہے کہ وزیر اعلی پنجاب میاں شہباز شریف کی ہدایت پر لودھراں سے بہاولپور کے درمیان ائیر کنڈیشنڈ بس سروس کا آغاز آئندہ ماہ کر دیا جائیگا۔ جنرل بس اسٹینڈ لودھراں سے بغداد الجدیدکیپمس ہہاولپور تک تقریبا اٹھائیس کلومیڑ روٹ پر ابتدائی طور پر بارہ بسیں چلائی جائیں گی۔ بہاولپور میں اکیس شیڈز بنائے جائیں گے ۔ سپیڈوبس میں کرایہ تیس روپے فی سواری مقرر کیا گیا ہے۔ کمشنر ثاقب ظفر نے ہدایت کی کہ تجاوزات کے خلاف آپریشن کو مزید تیز اور موثر کیا جائے۔ انہوں نے کہا کہ جنرل بس اسٹینڈ اور سرکلر روڈ پر تجاوزات کو فی الفور ختم کیا جائے۔
