ایدھی فاونڈیشن کے لیے مسائل پیدا نہیں ہونے دیں گے

وزیراعلیٰ سندھ سید مراد علی شاہ نے بلقیس ایدھی اور فیصل ایدھی کی پریس کانفرنس کا نوٹس لیتے ہوئے کہا ہے کہ ایدھی فاؤنڈیشن کے کاموں میں کسی قسم کے مسائل پیدا کرنے کی اجازت نہیں دیں گے۔

وزیراعلیٰ سندھ کراچی اور حیدرآباد کے کمشنرزکوہدایت کی کہ ایدھی سے تمام مسائل معلوم کریں اور انہیں حل کرکے رپورٹ دیں۔

مراد علی شاہ نے عدالتوں میں زیرسماعت کیسزکی دستاویزات کی چھان بین کرکے رپورٹ بھی طلب کرلی ہے۔

واضح رہے کہ گذشتہ روز بلقیس ایدھی اور فیصل ایدھی نے پریس کانفرنس کے دوران وفاقی و سندھ حکومت سے لینڈ مافیا کی جانب سے ایدھی مراکز پر قبضے کا نوٹس لینے کی اپیل کی تھی۔