نیب ریفرنسز میں سابق وزیرِ اعظم نواز شریف کی عدم پیشی پر عدالت کی جانب سے ان کے ضامن کو نوٹس جاری کر دیے گئے ہیں۔ احتساب عدالت کی جانب سے جاری ان نوٹسز میں کہا گیا ہے کہ نواز شریف عدالت میں پیش نہیں ہو رہے، انھیں آئندہ پیشی پر کو پیش کیا جائے۔ اسلام آباد کے ڈپٹی میئر چودھری رفعت سابق وزیرِ اعظم نواز شریف کے ضامن ہیں۔26 اکتوبر اسلام آباد کی احتساب عدالت میں پیشی کے موقع پر نواز شریف پیش نہیں ہوئے۔ عدالت نے حاضری سے 15 دن کے لیے استثنیٰ کی درخواست مسترد کرتے ہوئے نواز شریف کے قابل ضمانت وارنٹ گرفتاری جاری کر دیے تھے۔
