عمران خان آج اتنے خوش کیوں؟ جانئے

پاکستان تحریک انصاف کے چیئرمین عمران خان نے کہا کہ ایک سال تک سپریم کورٹ میں میرا مقدمہ چلا اور مجھے خوشی ہے کہ پاکستان کی سب سے بڑی عدالت نے مجھے تلاشی کے بعد بری کیا۔سپریم کورٹ کے فیصلے کے بعد میڈیا سے گفتگو کرتے ہوئے چیئر مین تحریک انصاف عمران خان کا کہنا تھا کہ سپریم کورٹ میں سب سے زیادہ تلاشی میری ہوئی ہے اور عدالتی فیصلے پر اللہ کا شکر ادا رکرتا ہوں، میرا موازنہ منی لانڈرنگ کے بادشاہ کے ساتھ کیا جا رہا ہے ، نواز شریف کو کیس کرنے کے لئے منشیات فروش کے سوا کوئی نہیں ملا، تحریک انصاف کو سپریم کورٹ کا فیصلہ تسلیم ہے اور ہم جہانگیر ترین فیصلے پر نظرثانی میں جائیں گے۔ ان کاکہناتھا کہ میں بیرون ملک کرکٹ کھیل کر پیسے پاکستان لایا جبکہ نواز شریف نے غریب عوام کا پیسہ منی لانڈرنگ کے ذریعے بیرون ملک بھیجا۔جہانگیر ترین کے فیصلے پرافسوس ہوا، تکلیف یہ ہے کہ میرا اس شخص سے ایک سال تک موازنہ کیا گیا جبکہ جس نے غریب قوم کا پیسا چوری کیا اس سے موازنہ کیا گیا۔ ایک سال سپریم کورٹ میں میرا کیس چلا،نواز شریف کو کوئی اور شخص نہیں ملا ہوگا اور مجھ پر کیس کرنے کے لئے ایک منشیات فروش کے ذریعے کیا گیا۔ میں نے عدالت میں60سے زیاد ہ دستاویزات جمع کرائیں جبکہ شریف خاندان بتا نہیں سکتا کہ ان کے پاس پیسے کہاں سے آئے، ان کے پاس ہر چیز کا جواب قطری خط ہے حالانکہ تاریخ کا سب سے بڑا جھوٹ یہ قطری خط ہے