الیکشن میں تاخیر

پیپلزپارٹی کے رہنما قمر زمان کائرہ نے کہا کہ الیکشن میں تاخیر نہیں ہونے دیں گے ، پیپلز پارٹی چاہتی ہےکہ انتخابات اپنے وقت پر ہوں ، چاہے پرانی مردم شماری پر ہی ہوں ۔انہوںنے کہاکہ ملک میں جمہوریت کو کبھی بھی ڈی ریل نہیں ہونے دیں، پیپلزپارٹی ہمیشہ اسٹیبلشمنٹ اور ایجنسیوں کی سیاست کےخلاف رہی، کبھی اس کو سپورٹ نہیں کیا۔تفصیلات کے مطابق پیپلز پارٹی کے رہنما قمر زمان کا کہناتھاکہ نوازشریف اداروں کے درمیان تصادم کی کوشش کررہے ہیں لیکن ایسا نہیں ہوگا، عدالت کو سکہ شاہی کہنا، اس سے بڑی عدلیہ کی توہین نہیں، نوازشریف عدالت کےخلاف تحریک چلارہے ہیں دیکھتے ہیں کیا کرتے ہیں،پی پی رہنما نے کہا ملک میں چلتا جمہوری اور سیاسی نظام نوازشریف کے فائدے میں نہیں، جمہوریت کا ڈی ریل ہونا انہیں فائدہ دیتا ہے، وہ ہمیشہ جمہوریت ڈی ریل کرنے میں پیش پیش رہے،ان کا کہنا تھاکہ نوازشریف نے اداروں کے درمیان تصادم کی کوشش کی، وہ عدلیہ اور فوج پر کیچڑ اچھال رہے ہیں، نوازشریف جو کوشش کررہے ہیں ایسا نہیں ہوگا۔