ذرائع سے معلوم ہوا ہے کہ جہانگیر ترین ایک مرتبہ پھر حکومتی اُمور اور تنظیمی سیاست میں اعلانیہ کردار ادا کرنے کے لیے فعال ہوگئے ہیں۔ اس ضمن میں جہاں انہوں نے ہفتے کو وزیراعظم عمران خان سے تفصیلی ملاقات کی ہے وہاں بعض وزراء سے بھی انہوں نے بالمشافہ رابطے کیے ہیں، اب وہ اختر مینگل سے بھی ملیں گے،وزیراعظم سے ملاقات کے دوران گو کہ سرکاری ذرائع کے مطابق نئے بلدیاتی نظام اور زرعی شعبوں میں بہتری کی مختلف تجاویز کا جائزہ لیا گیا لیکن ذرائع کے مطابق پنجاب میں سیاسی اُمور اور شاہ محمود قریشی کے بعض بیانات اور خیالات کے حوالے سے بھی بات چیت ہوئی ۔ ملاقات کے دوران یہ بھی طے پایا ہے کہ جہانگیر ترین کی سربراہی میں تحریک انصاف کا ایک وفد بی این پی کے سربراہ اختر مینگل سے ملاقات کرے گا اور یہ ملاقات قومی اسمبلی کے اجلاس سے پہلے ہوگی ۔
