ملک میں جاری سیاسی انتقام ایک کھلا راز

رانا ثنا اللہ کو منشیات کے مقدمے میں لاہور ہائی کورٹ کی طرف سے دی گئی ضمانت کے فیصلے کو سپریم کورٹ میں چیلنج کردیا ہے۔

بدھ کو دائر کی گئی اس اپیل میں استدعا کی گئی ہے کہ لاہور ہائی کورٹ کے فیصلے کو کالعدم قرار دیا جائے کیونکہ عدالت نے اس مقدمے کے حقائق کا درست جائزہ نہیں لیا۔

خیال رہے کہ رانا ثنااللہ کو لاہور ہائی کورٹ نے گذشتہ برس 23 دسمبر کو ضمانت پر رہا کیا تھا۔ اے این ایف نے ان پر 15 کلو ہیروئن کی برآمدگی کا مقدمہ بنایا تاہم عدالت نے اپنے فیصلے میں لکھا کہ ملک میں جاری سیاسی انتقام ایک کھلا راز ہے جسے اس مقدمے میں نظر انداز نہیں کیا جا سکتا۔