میرے بعض وزیر اپنے دفتر کی بجائے کوہسار مارکیٹ میں ہوتے ہیں

وزیراعظم عمران خان نے اپنے ہی وزیروں سے نالاں ہونے کا اظہار کردیا۔ پاکستان تحریک انصاف (پی ٹی آئی) کی سوشل میڈیا سے گفتگو میں کہا کہ اپوزیشن کچھ کرے نا کرے روز کوئی وزیر ہی ایسا بیان دے دیتا ہے کہ سنبھالنا مشکل ہوجاتاہے۔

وزیراعظم سے پی ٹی آئی سوشل میڈیا سیل کے ارکان نے ملاقات کی۔

ذرائع کا کہنا ہے کہ وزیر اعظم نے سوشل میڈیا اراکین سے ملاقات کے دوران کہا کہ صبح موبائل دیکھتا ہوں تو پتا چل جاتا ہے کہ آج کس کرائسس کا مقابلہ کرنا پڑے گا، میں ہر وقت کرائسس کے لیے تیار رہتا ہوں۔

وزیراعظم نے کہا کہ اپوزیشن کچھ نہ کرے تو کوئی وزیر ایسا بیان دے دیتا ہے سنبھالنا مشکل ہوجاتاہے، جبکہ ایسے بھی وزیر ہیں جو دفتر سے زیادہ کوہسار مارکیٹ میں بیٹھتے ہیں۔