ملک کے مختلف شہروں میں کئی کیبل آپر یٹرز نے جیو نیوز کو بند کرنے یا پچھلے نمبروں پر ڈالنے سے انکار کردیا ہے۔
کئی کیبل آپریٹرز نے اسلام آباد سے آئے ہوئے احکامات کو غیر قانونی قرار دے دیا۔
واضح رہے کہ اسلام آباد میں معاون خصو صی برائے اطلاعات فردوس عاشق اعوان کی پریس کانفرنس کے فوری بعد ملک کے مختلف شہروں میں کیبل آپریٹرز کو یہ ہدایت جاری کی گئی تھیں کہ جیو نیوز کی نشریات کو یا تو بند کردیں یا پھر پچھلے نمبروں پر ڈال دیا جائے۔
اسلام آباد سمیت کئی شہروں میں جیو نیوز کو پچھلے نمبروں پر ڈال دیا گیا ہے یا پھر اسکی نشریات بند کردی گئی ہیں، تاہم اکثر کیبل آپر یٹرز نے ان احکامات کو تسلیم کرنے سے انکار کر دیا ہے۔
