اسلام آباد کے علاقے جی الیون سگنل پر ہونے والے ٹریفک حادثے سے متعلق نیا انکشاف سامنے آیا ہے کہ اس وقت ڈیوٹی پر ٹریفک پولیس اہلکار ہی موجود نہیں تھے۔
واضح رہے کہ 2 فروری کو اسلام آباد میں سری نگر ہائی وے پر خوفناک ٹریفک حادثے میں 4 افراد جاں بحق اور 2 زخمی ہوگئے تھے۔
اس معاملے میں نیا انکشاف سامنے آیا ہے کہ واقعہ کے وقت ٹریفک پولیس کے 2 اہلکار ڈیوٹی سے غائب تھے۔
ایس پی ٹریفک پولیس کا کہنا تھا کہ دونوں اہلکاروں کو شوکاز نوٹس کے بعد سزائیں دی گئی ہیں۔
