سعودی عرب میں پاکستانی پرچم کشائی

سعودی عرب کے دار الحکومت ریاض میں پاکستانی سفارت خانے میں پرچم کشائی کی تقریب منعقد ہوئی جس میں قومی ترانے کی دھن پر سفیر پاکستان احمد فاروق نے سبز ہلالی پرچم فضا میں بلند کیا۔

اس موقع پر سفیر پاکستان نے کہا کہ ہم اپنے آباو اجداد کے شکر گزار ہیں جنہوں نے ہمیں آزاد ملک دیا، پاکستان کی ترقی اور خوشحالی کے لیے ہمیں مل کر کام کرنا ہوگا۔

انہوں نے مزید کہا کہ پاکستان اس وقت معاشی مشکلات کا شکار ہے اس لیے پوری قوم کو یکجا ہو کر آگے بڑھنا ہوگا۔

سفیر پاکستان نے کہا کہ سعودی عرب کے ساتھ ہمارے تاریخی اور دیرینہ مراسم ہیں جن پر ہمیں فخر ہے۔

انکا مزید کہنا تھا کہ سعودی عرب نے ہمیشہ مشکل وقت میں پاکستان کا ساتھ دیا ہے جس پر ہم سعودی قیادت کے مشکور ہیں۔

تقریب کے آخر میں سفیر پاکستان نے اہلیہ کے ساتھ جشن آزادی کا کیک بھی کاٹا۔