دریائے ستلج میں سیلاب کا شدید خطرہ

بھارت سے سیلابی ریلے کے باعث پاکستانی علاقے زیر آب آنے کا خدشہ پیدا ہوگیا ہے، دریائے ستلج میں گنڈا سنگھ کے مقام پر اونچے درجے کا سیلاب متوقع ہے۔

پی ڈی ایم اے کے مطابق دریائے ستلج میں 6 گھنٹے میں پانی کے بہاؤ میں 19 ہزار 340 کیوسک اضافہ ریکارڈ ہوا ہے، اس وقت دریائے ستلج میں پانی کا بہاؤ 55 ہزار 900 کیوسک ریکارڈ کیا گیا ہے۔

پی ڈی ایم اے کا کہنا ہے کہ 17 سے 20 اگست تک دریائے ستلج میں پانی کی سطح ایک لاکھ کیوسک تک بڑھنے کا امکان ہے۔

رپورٹس کے مطابق بھارت کے Bhakra اور Pong ڈیمز میں پانی کی سطح خطرناک حد تک بڑھ چکی ہے جس کے باعث پاکستانی حدود متاثر ہوں گی۔

بھارت سے پانی کی آمد کے باعث پاکستانی رقبہ زیر آب آنے کا خدشہ ہے۔