سینئر نائب صدر پی ٹی آئی تیمور سلیم جھگڑا کا اس حوالے سے کہنا ہے کہ کس نے کہاں سے الیکشن لڑنا ہے، یہ فیصلہ پارٹی نے کرنا ہے۔
انہوں نے یہ بھی کہا ہے کہ بہتر ہو گا کہ پشاور کی نشست پر پشاور کا ہی رہنماء الیکشن لڑے۔
اس معاملے پر مرکزی رہنماء پی ٹی آئی شیر افضل مروت نے ’جیو نیوز‘ سے گفتگو کرتے ہوئے کہا ہے کہ مجھے الیکشن لڑنے کا کوئی شوق نہیں ہے۔
انہوں نے یہ بھی کہا ہے کہ بانی چیئرمین پی ٹی آئی نے پشاور سے الیکشن لڑنے کا حکم دیا ہے، ان ہی کے حکم پر پشاور سے الیکشن لڑوں گا۔
واضح رہے کہ شیر افضل مروت حلقہ این اے 32 پر الیکشن لڑنےکے لیے کاغذات جمع کرا چکے ہیں۔
