ہونڈا موٹر سائیکل خریدنے کے خواہشمند صارفین کے لیے خوشخبری سامنے آ گئی ہے۔ ہونڈا کمپنی نے بینک الفلاح کے اشتراک سے بغیر سود آسان اقساط پر موٹر سائیکل خریدنے کی اسکیم متعارف کرا دی ہے، جس کا مقصد مہنگائی کے اس دور میں صارفین کو مالی سہولت فراہم کرنا ہے۔
اس اسکیم کے تحت ہونڈا کے مقبول ماڈلز سی ڈی 70، سی جی 125 اور سی جی 150 بینک الفلاح کے کریڈٹ کارڈ کے ذریعے ماہانہ اقساط پر حاصل کیے جا سکتے ہیں۔ کمپنی اور بینک حکام کے مطابق ان موٹر سائیکلوں پر کسی قسم کا سود وصول نہیں کیا جائے گا، تاہم صارفین کو پروسیسنگ فیس اور فیڈرل ایکسائز ڈیوٹی ادا کرنا ہوگی۔
مہنگائی کے باعث نئی موٹر سائیکل خریدنا عام شہریوں کے لیے مشکل ہوتا جا رہا ہے، ایسے میں بغیر سود اقساط کی یہ سہولت نہ صرف صارفین پر مالی بوجھ کم کرے گی بلکہ مقامی آٹو مارکیٹ میں سرگرمی بڑھنے کی بھی توقع ہے۔
تفصیلات کے مطابق ہونڈا سی ڈی 70 کی قیمت 159,900 روپے مقرر کی گئی ہے، جسے اب تقریباً 26,650 روپے ماہانہ اقساط پر خریدا جا سکتا ہے۔ اسی طرح ہونڈا سی جی 125 اور سی جی 150 بھی اس اسکیم کے تحت دستیاب ہیں، جس سے صارفین کو یکمشت بڑی رقم ادا کرنے کی ضرورت نہیں رہے گی۔
بینک الفلاح کے مطابق یہ اسکیم محدود مدت کے لیے متعارف کرائی گئی ہے اور موٹر سائیکلوں کی دستیابی اسٹاک سے مشروط ہوگی۔ صارفین کو مشورہ دیا گیا ہے کہ اسکیم سے فائدہ اٹھانے کے لیے قریبی ہونڈا شوروم یا بینک الفلاح برانچ سے رابطہ کریں
