نگراں وزیراعظم کے نام میں دلچسپی نہیں، خواجہ آصف

خواجہ آصف نے کہا کہ انتخابات ایک سے 2 ماہ میں ہو جانے چاہئیں کیونکہ کوئی نئی حلقہ بندیاں نہیں ہو رہیں، نواز شریف انتخابات سے قبل ضرور پاکستان آئیں گے۔

خواجہ آصف نے کہا کہ اطمینان ہے  4 اسمبلیاں اپنی مدت پوری کر چکی ہیں،  ماضی میں 58 ٹو بی لگا کر اسمبلی 2 یا 3 سال میں فارغ کر دی جاتی تھی۔

انہوں نے کہا کہ جمہوریت میں وزیراعظم کا آنا جانا لگا رہتا ہے، برطانیہ بھی اس کی ایک مثال ہے۔

وزیر دفاع نے کہا کہ پاکستان تحریک انصاف (پی ٹی آئی) ہمیں 20 سال پہلے والے سیاسی اور معاشی بحران کی طرف لے گئی ہے، معیشت جب تک درست سمت میں نہیں جائےگی سیاست کبھی مستحکم نہیں ہوگی۔