سعودی عرب نے بلوچستان میں دہشت گردی کے حالیہ واقعات کی سخت الفاظ میں مذمت کرتے ہوئے پاکستان کے ساتھ مکمل یکجہتی کا اظہار کیا ہے۔
سعودی وزارت خارجہ کی جانب سے جاری بیان میں کہا گیا ہے کہ بلوچستان میں دہشت گردوں کی پرتشدد کارروائیاں باعثِ تشویش ہیں، تاہم پاکستانی سیکیورٹی فورسز دہشت گردی کے خلاف بہترین حکمتِ عملی کے تحت مؤثر انداز میں مقابلہ کر رہی ہیں۔
بیان میں مزید کہا گیا کہ دہشت گردی کے خلاف جنگ میں سعودی عرب، پاکستانی حکومت اور عوام کے ساتھ کھڑا ہے اور پاکستان کی سلامتی و استحکام کے لیے اپنی حمایت جاری رکھے گا
