ایک نہیں دو ٹرمپ اصلی ویڈیو وائرل شک و شبہات بڑھ گئے

امریکی صدر ڈونلڈ ٹرمپ کے قریب موجود ان کے ہم شکل شخص کی ایک ویڈیو سوشل میڈیا پر تیزی سے وائرل ہو رہی ہے، جس نے صارفین کی توجہ اپنی جانب مبذول کر لی ہے۔

غیر ملکی میڈیا کے مطابق سوشل میڈیا پلیٹ فارم ایکس (X) پر شیئر کی گئی ویڈیو میں ڈونلڈ ٹرمپ کے ساتھ ایک ایسا شخص دیکھا جا سکتا ہے، جو نہ صرف شکل و صورت بلکہ چال ڈھال میں بھی کافی حد تک ان سے مشابہت رکھتا ہے۔

ویڈیو سامنے آنے کے بعد سوشل میڈیا صارفین مختلف قیاس آرائیاں کر رہے ہیں۔ بعض افراد کا کہنا ہے کہ یہ ٹرمپ کا باقاعدہ “باڈی ڈبل” (ہم شکل) ہو سکتا ہے، جبکہ دیگر اسے محض حیران کن مشابہت قرار دے رہے ہیں۔

تاہم اس ویڈیو کے حوالے سے کسی سرکاری ذریعے یا وائٹ ہاؤس کی جانب سے کوئی وضاحت سامنے نہیں آئی، اور نہ ہی اس شخص کی شناخت کی باضابطہ تصدیق کی گئی ہے۔ اس لیے ویڈیو میں نظر آنے والے شخص کے بارے میں گردش کرنے والے دعووں کی آزادانہ طور پر تصدیق نہیں ہو سکی