اسلام آباد ہائیکورٹ کے رجسٹرار نے جسٹس بابر ستار کو سرکاری رہائش گاہ 30 روز کے اندر خالی کرنے کا نوٹس جاری کر دیا ہے۔
نوٹس کے مطابق اسٹیٹ آفس نے 3 جولائی کو اسلام آباد میں واقع سرکاری رہائش گاہ کی الاٹمنٹ منسوخ کر دی تھی، جبکہ جسٹس بابر ستار کا تبادلہ اسلام آباد ہائیکورٹ سے پشاور ہائیکورٹ ہو چکا ہے۔
نوٹس میں کہا گیا ہے کہ سرکاری رہائش گاہ خالی کرنے کے لیے ایک ماہ کی مہلت دی جا رہی ہے، جس کا آغاز 3 جولائی، یعنی الاٹمنٹ منسوخ ہونے کی تاریخ سے تصور کیا جائے گا۔
ذرائع کے مطابق تبادلے کے بعد جسٹس بابر ستار نے پشاور میں سرکاری رہائش گاہ حاصل نہیں کی اور اسلام آباد کی رہائش گاہ برقرار رکھنے کا فیصلہ کیا تھا۔ تاہم، اسٹیٹ آفس کی جانب سے الاٹمنٹ منسوخ کیے جانے کے بعد اب انہیں 30 روز کے اندر گھر خالی کرنے کی ہدایت کی گئی ہے
اسلام آباد: وزیراعظم شہباز شریف نے سعودی ولی عہد و وزیراعظم شہزادہ محمد بن سلمان سے ٹیلیفونک رابطہ کیا، جس میں بحیرۂ احمر میں سعودی آئل ٹینکرز پر حوث...