مسلم لیگ ن کی رہنما عظمیٰ بخاری نے کہا ہے کہ آر اوز اور ڈی آر اوز سے کہا جارہا ہے کہ لیاقت چٹھ بن جائیں۔
اپنے ایک بیان میں عظمیٰ بخاری نے کہا کہ لیاقت چٹھہ کے جھوٹ پکڑے جارہے ہیں، ملک میں رواج ہے جو تصویریں لگا کر دھمکا دے تو ہیرو ہوگا، آر اوز، ڈی آر اوز کو مجبور کیا جارہا ہے کہ لیاقت چٹھہ بن جائیں ورنہ ان کی ملک میں کوئی جگہ نہیں۔
عظمیٰ بخاری کا کہنا ہے کہ جھوٹ بولا گیا کہ چیف الیکشن کمشنر یا چیف جسٹس ملوث ہیں، پیارے افضل ٹو کی نئی اسٹوری آ گئی ہے۔
ن لیگی رہنما کا کہنا ہے کہ چٹھہ کی دوسری کہانی آگئی ہے، لیاقت چٹھہ کا اپنے بیان سے پہلے اسلم اقبال سے رابطہ رہا ہے، پی ٹی آئی نے کہا کہ ہمیں جتوائیں ورنہ اکہتر والا دور آ جائے گا۔
