وزیر اعظم شہباز شریف نے کہا ہے کہ ایف بی آر کی مکمل ڈیجیٹائزیشن کیلئے عالمی معیار کے ماہرین کی خدمات لی جا رہی ہیں۔ انکا کہنا تھا کہ اچھے ٹیکس دہندگان، برآمد کنندگان اور خواتین اینٹرپرئنیورز کی حکومتی سطح پر پذیرائی کی جائے گی۔
وزیر اعظم نے کہا کہ ذرائع ابلاغ ریاست کا چوتھا ستون ہیں۔ معاشرے کی تعمیر و ترقی اور عوام کی فکری تربیت میں الیکٹرانک میڈیا کا کردار انتہائی اہم ہے۔
انہوں نے ان خیالات کا اظہار پاکستان براڈ کاسٹرز ایسوسی ایشن کے وفد سے ملاقات میں کیا۔ وفد میں شکیل مسعود، میاں عامر محمود اور سلطان لاکھانی شامل تھے۔
سرکاری اعلامیہ کے مطابق ملاقات میں وفاقی وزیراطلاعات عطاء اللّٰہ تارڑ اور متعلقہ سرکاری افسران بھی موجود تھے۔ پی بی اے کے وفد نے منصب سنبھالنے پر وزیراعظم کومبارکباد پیش کرتے ہوئے نیک خواہشات کا اظہار کیا۔
اس موقع پر گفتگو کرتے ہوئے وزیر اعظم نے کہا ہم نے ایسے وقت اقتدار سنبھالا جب ملک کو بے پناہ مشکلات کا سامنا ہے۔ معیشت کو پٹری پر لانا سب سے بڑا چیلنج ہے۔
وزیراعظم نے وفد کو حکومت کی معاشی ترجیحات سے آگاہ کیا اور کہا خسارے میں چلنے والے حکومتی اداروں کی نجکاری ترجیحات ہیں۔ ادارہ جاتی اصلاحات بھی ترجیحات میں شامل ہیں۔ اندرونی و بیرونی سرمایہ کاری اور کفایت شعاری بھی حکومتی ترجیحات ہیں۔
انہوں نے کہا کہ حکومتی سطح پر اخراجات میں کمی کے لئے کمیٹی بنا دی گئی ہے۔ وفاقی کابینہ نے رضاکارانہ طور پر تنخواہیں اور مراعات نہ لینے کا فیصلہ کیا ہے۔
وزیر اعظم نے کہا فیک نیوز بہت بڑا چیلنج ہے جس کی روک تھام میں مین اسٹریم میڈیا کا کردار انتہائی اہم ہے۔ امید ہے ذرائع ابلاغ غیر جانبدارانہ رپورٹنگ کے ذریعے جمہوریت کے استحکام میں کردار ادا کرتے رہیں گے۔
وزیر اعظم شہباز شریف نے کہا کہ میڈیا نمائندوں کے حقوق کا تحفظ ریاست کی ذمہ داری ہے۔ الیکٹرانک میڈیا پاکستان کی ترقی و خوشحالی کیلئے کوششوں میں حکومت کا ساتھ دے
