امریکی صدر ڈونلڈ ٹرمپ نے عالمی قوانین کی پابندی کو مسترد کرتے ہوئے کہا ہے کہ دنیا بھر میں اختیار کی جانے والی ان کی جارحانہ پالیسیوں کو صرف ان کی “ذاتی اخلاقیات” ہی محدود کرتی ہیں۔ یہ بیان وینزویلا کے صدر نکولس مادورو کے اغوا کے بعد سامنے آیا ہے۔
دی نیویارک ٹائمز سے گفتگو کرتے ہوئے صدر ٹرمپ نے کہا،
“مجھے بین الاقوامی قانون کی ضرورت نہیں۔ میں لوگوں کو نقصان پہنچانے کا ارادہ نہیں رکھتا۔”
ان کے اس بیان نے عالمی سطح پر بحث کو جنم دیا ہے، جہاں ناقدین کا کہنا ہے کہ بین الاقوامی قوانین کو نظرانداز کرنا عالمی نظم و ضبط اور خودمختاری کے اصولوں کے لیے خطرہ بن سکتا ہے۔ دوسری جانب ٹرمپ کے حامیوں کا موقف ہے کہ امریکی مفادات کے تحفظ کے لیے سخت فیصلے ناگزیر ہیں۔
یہ بیان ایسے وقت میں آیا ہے جب امریکا اور وینزویلا کے تعلقات شدید تناؤ کا شکار ہیں اور خطے میں سیاسی عدم استحکام پر عالمی برادری کی تشویش بڑھتی جا رہی ہے
