ملک کے مختلف حصوں میں شدید دھند کے باعث اہم موٹرویز کو ٹریفک کے لیے بند کر دیا گیا ہے۔ موٹروے پولیس کے مطابق حدِ نگاہ خطرناک حد تک کم ہونے کے باعث یہ فیصلہ حفاظتی اقدامات کے تحت کیا گیا ہے۔
موٹروے پولیس کا کہنا ہے کہ موٹروے ایم ون (M-1) پشاور سے رشکئی تک شدید دھند کے باعث بند کر دی گئی ہے، جبکہ موٹروے ایم ٹو (M-2) ٹھوکر نیاز بیگ سے چکری انٹرچینج تک ہر قسم کی ٹریفک کے لیے بند ہے۔
اسی طرح موٹروے ایم تھری (M-3) فیض پور سے جڑانوالہ تک بند ہے، جبکہ موٹروے ایم فور (M-4) پنڈی بھٹیاں سے فیصل آباد تک شدید دھند کی لپیٹ میں ہے جہاں ٹریفک معطل کر دی گئی ہے۔
موٹروے پولیس کے مطابق موٹروے ایم الیون (M-11) لاہور سے سمبڑیال تک بند ہے، جبکہ موٹروے ایم فورٹین (M-14) داؤد خیل سے عیسیٰ خیل تک ٹریفک کے لیے دستیاب نہیں۔
موٹروے پولیس نے شہریوں کو ہدایت کی ہے کہ غیر ضروری سفر سے گریز کریں، دورانِ سفر فوگ لائٹس کا استعمال کریں اور تیز رفتاری سے اجتناب کریں تاکہ کسی بھی ناخوشگوار واقعے سے بچا جا سکے۔
