آئی ایم ایف کی مینجنگ ڈائریکٹر کرسٹالینا جارجیوا نے وزیرِ اعظم شہباز شریف کی زیر قیادت حکومت کی معاشی اصلاحات کی تعریف کرتے ہوئے ان پر اعتماد کا اظہار کیا ہے۔
ڈیووس میں عالمی اقتصادی فورم سے خطاب کے دوران کرسٹالینا جارجیوا نے کہا کہ وزیرِ اعظم شہباز شریف پاکستان میں مثبت تبدیلی اور ترقی کے لیے سنجیدہ ہیں۔ ان کا کہنا تھا کہ شہباز شریف جب کسی کام کا فیصلہ کر لیتے ہیں تو اسے مکمل کرکے ہی دم لیتے ہیں۔
آئی ایم ایف کی مینجنگ ڈائریکٹر نے کہا کہ پاکستانی حکومت سنجیدگی کے ساتھ معاشی اصلاحات کا نفاذ کر رہی ہے، جس کے مثبت نتائج سامنے آنا شروع ہو گئے ہیں۔ انہوں نے کہا کہ پہلی مرتبہ پاکستان میں بجٹ ڈسپلن واضح طور پر نظر آ رہا ہے۔
کرسٹالینا جارجیوا کے مطابق حکومتی اقدامات کے مثبت ثمرات موصول ہو رہے ہیں اور عوام کی زندگی میں بہتری کے لیے وسائل درست سمت میں استعمال کیے جا رہے ہیں
