امریکا کے صدر Donald Trump نے کہا ہے کہ ایران کے ساتھ اسلام آباد میں مذاکرات جاری ہیں اور اس پیش رفت کے بعد صورتحال پر نظر رکھی جا رہی ہے۔
میڈیا سے گفتگو کرتے ہوئے صدر ٹرمپ نے کہا کہ ایران کے ساتھ معاہدہ ممکن بھی ہے اور ناممکن بھی، اور اگر مذاکرات کامیاب ہوتے ہیں یا ناکام، انہیں اس سے کوئی خاص فرق نہیں پڑتا۔
اس دوران امریکی وزیر دفاع Pete Hegseth نے بھی دعویٰ کیا ہے کہ دو امریکی بحری جہاز آبنائے ہرمز سے گزر کر خلیجِ عرب پہنچ گئے ہیں۔
صدر ٹرمپ نے مزید کہا کہ امریکا ایران کے خلاف برتری حاصل کر چکا ہے اور یہ جنگ امریکا جیت چکا ہے۔ ان کے مطابق ایران کی جانب سے ممکنہ طور پر سمندری حدود میں بارودی سرنگیں بچھائی گئی ہیں، تاہم امریکا کے پاس انہیں صاف کرنے کی مکمل صلاحیت موجود ہے اور ہرمز کے علاقے میں کارروائیاں جاری ہیں۔
انہوں نے یہ بھی خبردار کیا کہ اگر چین نے ایران کو ہتھیار فراہم کیے تو اسے سنگین نتائج کا سامنا کرنا پڑ سکتا ہے
