ایرانی پارلیمنٹ کی قومی سلامتی و خارجہ پالیسی کمیٹی کے ترجمان ابراہیم رضائی نے امریکا کی جانب سے ممکنہ حملے کی صورت میں خطے کے ممالک کو سخت پیغام دیتے ہوئے کہا ہے کہ اگر جنگ مسلط کی گئی تو اس کے اثرات صرف ایران تک محدود نہیں رہیں گے۔
اپنے بیان میں ابراہیم رضائی نے کہا کہ امریکی صدر Donald Trump کے اگلے ممکنہ حملے تک علاقائی ممالک کے پاس وقت ہے کہ وہ امریکی افواج کی مستقل بے دخلی کا اعلان کریں اور اس پر عملی اقدامات بھی کریں۔
انہوں نے خبردار کیا کہ اگر علاقائی ممالک نے بروقت فیصلہ نہ کیا تو بعد میں ایران سے شکایت کا کوئی جواز نہیں ہوگا۔
ابراہیم رضائی کا کہنا تھا کہ ایران کے پاس ایسے سیاسی اور معاشی منصوبے موجود ہیں جن کے ذریعے امریکا پر دباؤ بڑھایا جا سکتا ہے، اور ان میں بعض علاقائی ممالک بھی اہم کردار ادا کر سکتے ہیں۔
دوسری جانب Islamic Revolutionary Guard Corps (پاسدارانِ انقلاب) نے بھی خبردار کیا ہے کہ اگر ایران کے خلاف جنگ شروع ہوئی تو اس کے اثرات خطے سے نکل کر دنیا کے دیگر حصوں تک پھیل سکتے ہیں۔
واضح رہے کہ امریکی صدر ڈونلڈ ٹرمپ نے اپنے تازہ بیان میں کہا تھا کہ ایران معاہدے کے لیے بے تاب ہے، تاہم اگر کوئی معاہدہ نہ ہوا تو امریکا ایران پر دوبارہ حملہ کرنے پر غور کر سکتا ہے
