کرکٹ کے بعد ہاکی کا عالمی میلہ پاکستان میں سجانے کا منصوبہ تیار

کرکٹ کے بعد ہاکی کا عالمی میلہ پاکستان میں سجانے کا منصوبہ تیار کرلیا گیا ہے، جس کا اعلان آئندہ ایک سے 2 روز میں کیے جانے کا امکان ہے، ذرائع کے مطابق 9 ممالک کے 20 کھلاڑیوں نے پاکستان آنے پر رضامندی ظاہر کر دی، ورلڈ الیون ٹیم 14 کھلاڑیوں اور 2 آفیشلز پر مشتمل ہوگی ،پاکستان ہاکی فیڈریشن کے قریبی ذرائع کاکہنا ہے کہ ملک میں ورلڈ الیون ہاکی سیریز کے شیڈول کا اعلان 25 نومبر تک کر دیا جائے گا۔
تفصیلات کے مطابق کرکٹ کے بعد ہاکی کا عالمی میلہ پاکستان میں سجانے کا منصوبہ تیار کرلیا گیا ہے، جب کہ ہالینڈ، ارجنٹائن، آسٹریلیا، بیلجیئم، جرمنی، انگلینڈ، جاپان، نیوزی لینڈ، جنوبی کوریا اور ملائیشیا کے کھلاڑیوں نے پاکستان آنے کے لیے رضامندی بھی ظاہر کردی ہے، پی ایچ ایف کے ذرائع کے مطابق ورلڈ الیون سیریز کا اعلان ایک سے 2 روز میں کیا جائے گا، ذرائع کے مطابق مہمان ٹیم جنوری میں پاکستان کا دورہ کرے گی اور میزبان ملک کے خلاف 3 ٹیسٹ میچز کی سیریز میں حصہ لے گی جب کہ سیریز کے یہ مقابلے لاہور، کراچی اور اسلام آباد میں ہوں گے۔