پاکستان تحریک انصاف کے چیئرمین عمران خان نے کہا ہے کہ فاٹااصلاحات پرحکومت کاغیرسنجیدہ رویہ فاٹاکےعوام کی بےعزتی ہے، فاٹاکےعوام نے بہت زیادہ قربانیاں دیں۔سماجی رابطے کی ویب سائٹ ٹوئیٹر پراپنے پیغام میں عمران خان نے کہا کہ حکومت کا فاٹا اصلاحات پر غیر سنجیدہ رویہ سب سے زیادہ قربانیاں دینے والے فاٹا کے ان لوگوں کی توہین ہے جنہیں آج بھی اپنے جمہوری حقوق سے محروم رکھا گیا ہے۔فاٹا اصلاحات پیکج کے مکمل نفاذ میں تاخیر کی وجہ سے فاٹا کے لوگوں میں سخت بے چینی ہے ، اس کے سنگین نتائج برآمد ہوں گے۔چیئرمین تحریک انصاف نے کہا ہم مطالبہ کرتے ہیں کہ حکومت قومی اسمبلی میں فاٹا اصلاحات کا مکمل پیکج اور ایف سی آر کے خاتمے کا بل پیش کرے اور پشاور ہائی کورٹ اور سپریم کورٹ کا دائرہ کار ان علاقوں تک وسیع کرے، حکومت آئین کے آرٹیکل 106 میں ترمیم کرکے خیبر پختونخوا اسمبلی میں فاٹا کے ارکان کی نمائندگی بڑھائے۔
آذربائیجان کے صدر الہام علییوف نے چین کے شہر تیانجن میں پاکستانی وزیراعظم شہباز شریف سے ملاقات کے دوران کہا کہ بھارت، پاکستان کے ساتھ آذربائیجان کے...