قصور سانحہ کی آڑ میں مغربی طرز کی جنسی تعلیم دینے کی مہم عروج پر

فحاشی اورعریانی پھیلانے والا پاکستانی میڈیا اس وقت قصور واقعہ کے علاوہ اور واقعات کو بار بار نشر کر کے پاکستانی عوام کو اس معمہ میں پھساتا چلا جا رہا ہے۔ ذرائع سے پتہ چلا ہے کہ یہ ایک باقاعدہ مہم کا حصہ ہے اور بعض این جی اوز اور بعض انسانی حقوق کے علمبردار پاکستان جو کہ اسلام کا قلعہ کہلاتا ہے اس ملک کے تعلیمی نظام میں مغرب کی طرز تعلیم جس میں جنسی تعلیم کے موضوعات ہیں کو نصاب کا حصہ بنانے کی باقاعدہ مہم جاری رکھے ہوئے ہے۔ پاکستان ایک اسلامی ملک ہے جس کی بنیاد کلمے ہے اس ملک میں اسلامی اصولوں کے مطابق اصلاح معاشرہ کی بات کیوں نہیں کی جا رہی؟ اسلام کے مطابق سزائیں اور اسلامی نظام عدل کی بات کیوں نہیں کی جارہی؟ ذرائع بتاتے ہیں کہ یہ باقاعدہ مہم ہے جو کہ مغرب سے فنڈڈ افراد اور چند ادارے اس کو چلا رہے ہیں۔