میاں نواز شریف نے آج پیشی کے وقت کن سے ملاقات کی اور کیا بتایا ؟ جانئے

سابق وزیراعظم نواز شریف نے اڈیالہ جیل میں قید ہونے کے بعد پہلی مرتبہ نیب ریفرنسز کے موقع پر صحافیوں سے غیر رسمی گفتگو کی۔

العزیزیہ اور فلیگ شپ انویسٹمنٹ ریفرنسز کی سماعت کے بعد نواز شریف نے صحافیوں سے مختصر غیر رسمی گفتگو کی، اس موقع پر صحافی نے سوال کیا کہ آپ کی طبیعت کیسی ہے جس پر نواز شریف نے کہا الحمد اللہ ٹھیک ہوں۔

صحافی نے پوچھا کہ ‘کیا آپ قید تنہائی میں ہیں’ جس پر نواز شریف نے کہا کہ جی آپ کہہ سکتے ہیں۔

ایک اور صحافی نے ان سے سوال کیا کہ ‘کیا آپ کو مسجد جا کر نماز ادا کرتے ہیں’ جس پر نواز شریف نے کہا کہ نماز سیل میں ہی ادا کرتا ہوں، باہر جانے کی اجازت نہیں۔

مریم نواز سے ملاقات سے متعلق سوال پر نواز شریف نے کہا کہ جس روز دیگر ملاقاتیوں سے ملاقات ہوتی ہے تو مریم سے بھی ملاقات ہوجاتی ہے۔

یاد رہے کہ اڈیالہ جیل میں جمعرات کا روز قیدیوں سے ملاقات کا دن مقرر ہے اور اسی روز مسلم لیگ (ن) کے رہنما نواز شریف اور مریم نواز سے ملاقات کے لیے آتے ہیں