زلزلے کے خوف سے چھت سے چھلانگ لگانے سے سافٹ وئیر انجینئراپنی جان سے ہاتھ دھو بیٹھا

پاکستان کے مختلف علاقوں میں آنے والے شدید زلزلے کے خوف نے میر پور  کے ایک سافٹ ویئر انجینئرنگ کے طالب علم کی جان لے لی۔

خیبر پختو نخواہ کے ضلع ہنگو کا رہائشی حمید اللّہ میرپور یونیورسٹی آف سائنس اینڈ ٹیکنالوجی کا طالب علم تھا اور وہ میرپور یونیورسٹی کے ڈیپارٹمنٹ سافٹ ویئر انجینئرنگ کے 8 ویں سمسٹر میں زیرِتعلیم تھا۔

مُلک کے بیشتر شہروں کی طرح جب میر پور میں زلزلہ آیا تو اُس وقت حمید اللّہ ہاسٹل میں موجود تھا، اس نے خوف زدہ ہوکر اپنی جان بچانے کے لیے ہاسٹل کی بالائی منزل کا رخ کیا اور چھت سےچھلانگ لگا دی جس کے نتیجے میں وہ اپنی جان کی بازی ہار گیا۔