فلسطینی مزاحمتی تنظیم حماس نے اپنے عسکری ونگ القسام بریگیڈز کے ترجمان ابو عبیدہ کی شہادت کی باضابطہ تصدیق کر دی ہے۔
القسام بریگیڈز کے نئے ترجمان نے آج جاری کردہ ایک ویڈیو بیان میں بتایا کہ ابو عبیدہ سمیت القسام کے متعدد اعلیٰ کمانڈر اسرائیلی حملوں میں شہید ہو چکے ہیں۔ بیان میں جن رہنماؤں کی شہادت کی تصدیق کی گئی، ان میں محمد السنوار، رائد سعد، محمد شبانہ اور حکم العیسیٰ شامل ہیں۔
نئے ترجمان نے واضح کیا کہ ابو عبیدہ کا اصل نام حذیفہ الکحلوت تھا اور وہ القسام بریگیڈز کے میڈیا ونگ ’’الاعلام العسکری‘‘ کے سربراہ کی حیثیت سے خدمات انجام دے رہے تھے۔ انہوں نے یہ بھی بتایا کہ یحییٰ السنوار کے بھائی محمد السنوار، شہید محمد الضیف کے بعد القسام بریگیڈز کے سربراہ تھے۔
بیان میں کہا گیا کہ حذیفہ الکحلوت نے دو دہائیوں سے زائد عرصے تک القسام بریگیڈز کے ترجمان کی ذمہ داری نبھائی اور اس کے میڈیا نظام کو جدید بنیادوں پر استوار کیا۔ نئے ترجمان کو بھی ابو عبیدہ ہی کے لقب سے متعارف کرایا گیا ہے، جبکہ کہا گیا کہ شہید حذیفہ الکحلوت اپنے پیچھے یہی نام اور علامت چھوڑ گئے ہیں۔
واضح رہے کہ اسرائیل نے رواں برس اگست میں ابو عبیدہ کو نشانہ بنانے کا دعویٰ کیا تھا۔
روس کے وزیر خارجہ سرگئی لاوروف نے کہا ہے کہ کیف نے راتوں رات نووگوروڈ کے علاقے میں صدر ولادیمیر پوٹن کی سرکاری رہائش گاہ پر ڈرون حملہ کیا۔ لاور...