امریکا کے سابق صدر ڈونلڈ ٹرمپ کو میامی کے فیڈرل کورٹ ہاؤس سے گرفتار کر لیا گیا۔ سابق صدر کا کہنا ہے کہ مجھے سزا دینے کی کوشش الیکشن میں مداخلت ہے۔
آج عدالتی کارروائی کے دوران ڈپٹی مارشلز نے سابق صدر کو گرفتار کیا اور ان کے فنگر پرنٹس لیے۔
واضح رہے کہ ڈونلڈ ٹرمپ کو خفیہ دستاویزات کیس میں گرفتار کیا گیا ہے، چند روز قبل ان پر دوسری بار فرد جرم عائد کی گئی تھی۔
ٹرمپ کے مشیر اور قریبی ساتھی والٹ نوٹا کو بھی گرفتار کیا گیا ہے۔
امریکی میڈیا کے مطابق سابق صدر ٹرمپ کے حامیوں نے میامی کورٹ ہاؤس کے باہر احتجاج کیا۔
دوسری جانب ترجمان ڈونلڈ ٹرمپ کا کہنا ہے کہ یہ امریکا کی تاریخ میں اہم موڑ ہے۔
عدالت جانے سے قبل ٹرمپ نے سوشل میڈیا پر لکھا تھا کہ آج ہمارے ملک کی تاریخ کا المناک دن ہے، ہماری قوم تنزلی کی طرف سفر کر رہی ہے۔
