غزہ بھر میں اسرائیلی فضائی اور زمینی حملوں کے نتیجے میں جمعرات کے روز کم از کم 14 فلسطینی شہید ہو گئے، جن میں پانچ بچے بھی شامل ہیں۔ طبی ذرائع نے یہ بات الجزیرہ کو بتائی ہے۔ اکتوبر میں ہونے والی جنگ بندی کے باوجود اسرائیل کی جانب سے ساحلی پٹی پر بمباری کا سلسلہ جاری ہے۔
جنوبی غزہ کے علاقے المواصی میں بے گھر افراد کے خیموں کو نشانہ بنائے جانے والے ایک اسرائیلی حملے میں کم از کم چار فلسطینی شہید ہو گئے، جبکہ متعدد افراد زخمی ہوئے۔ طبی ذرائع کے مطابق زخمیوں میں خواتین اور بچے بھی شامل ہیں۔
عینی شاہدین کا کہنا ہے کہ حملوں کے بعد علاقے میں شدید خوف و ہراس پھیل گیا، جبکہ امدادی ٹیموں کو متاثرہ مقامات تک پہنچنے میں مشکلات کا سامنا ہے۔ غزہ میں انسانی صورتحال مزید سنگین ہوتی جا رہی ہے، جہاں صحت کے مراکز پہلے ہی وسائل کی شدید کمی کا شکار ہیں
صوبہ خیبرپختونخوا کے ضلع خیبر میں واقع وادی تیراہ کے علاقے میدان ملک دین خیل سے متاثرہ افراد کی رجسٹریشن کا عمل گزشتہ تین روز سے جاری ہے، جبکہ طے ...