امریکی فورسز کے تعاقب میں آنے والے تیل بردار جہاز کی حفاظت کے لیے روس نے اپنی بحریہ روانہ کر دی

روس کے بارے میں اطلاعات ہیں کہ اس نے ایک تیل بردار جہاز کو بحرِ اوقیانوس کے پار لے جانے کے لیے ایک آبدوز اور دیگر بحری جہاز تعینات کر دیے ہیں، جبکہ اس جہاز کا امریکی فورسز بھی تعاقب کر رہی ہیں۔

یہ جہاز اس وقت آئس لینڈ اور برطانوی جزائر کے درمیان موجود ہے اور اس پر امریکی پابندیوں کی خلاف ورزی اور ایرانی تیل کی ترسیل کا الزام عائد کیا گیا ہے۔ ماضی میں یہ جہاز وینزویلا کا خام تیل منتقل کرتا رہا ہے، تاہم اس وقت اس کے خالی ہونے کی اطلاعات ہیں۔

یہ جہاز پہلے بیلا 1 (Bella 1) کے نام سے جانا جاتا تھا، بعد ازاں اس کا نام تبدیل کر کے میرینیرا (Marinera) رکھ دیا گیا ہے اور اطلاعات کے مطابق اس کا پرچم بھی گیانا سے تبدیل ہو کر روسی کر دیا گیا ہے۔