ترجمان پاک فوج میجر جنرل آصف غفور نے دی نیوز کےرپورٹر احمد نورانی پر قاتلانہ حملےکی شدید مذمت کی ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور کا کہنا ہے کہ احمد نورانی پر حملہ بد امنی پھیلانےکی گھناؤنی کوشش ہے۔انہوں نے سماجی رابطے کی ویب سائٹ پر اپنے پیغام میں کہا ہے کہ احمد نورانی پر حملے کے مجرموں کو پکڑنے اور انصاف کے کٹہرے میں لانے کی کوششوں کی مکمل حمایت کریں گے۔ ڈی جی آئی ایس پی آر کی جانب سے پمزاسپتال زیر علاج سینئر صحافی احمد نورانی کے لیے گلدستہ بھی بھجوایا گیا ہے۔میجر جنرل آصف غفور نے احمد نورانی کے لیے نیک تمناؤں کا اظہار کرتے ہوئے ان کی جلد صحت یابی کے لیے دعا بھی کی ہے۔
