خیبرپختونخوا سمیت ملک کے مختلف شہروں میں زلزلے کے جھٹکے محسوس کیے گئے، زلزلے سے کوئی جانی نقصان نہیں ہوا۔خیبر پختونخوا میں مانسہرہ ڈویژن،ایبٹ آباد، مالاکنڈ، سوات، شانگلہ، دیر بالا، لوئر دیر صوابی، مردان سمیت مختلف شہروں میں زلزلے کے جھٹکے محسوس کیے گئے۔ادھر خیبر ایجنسی، باجوڑ ایجنسی، شمالی وزیرستان،مری، اسلام آباد، لاہور، قصور، حافظ آباد، پشاور اور ملحقہ علاقوں میں بھی زلزلہ محسوس کیا گیا۔زلزلہ پیما مرکز کے مطابق زلزلے کی شدت 5اعشاریہ 9جبکہ گہرائی 38کلو میٹر ریکارڈ کی گئی،جس کا مرکز ہندوکش ریجن میں افغانستان تھا ۔
