پیپلزپارٹی کے چیئرمین بلاول بھٹو زرداری نے نوازشریف کو سیاست چھوڑنے کا مشورہ دیتے ہوئے کہا کہ نواز شریف کی ریٹائرمنٹ جمہوریت کے لیے بہتر ہوگی۔
انہوں نے مزید کہا ہے کہ نواز شریف قانون کی برابری کی جو بات کرتے ہیں وہ درست ہے، قانون سب کے لیے برابر ہونا چاہیے۔
انہوں نے مزید کہا کہ نواز شریف جو کہتے ہیں کہ ان کے ساتھ ہوا تو جہانگیر ترین اور پی ٹی آئی کے دوسرے لوگوں کے ساتھ بھی ہونا چاہیے، یہ بات بھی درست ہے،ترین اوردیگر سے یکساں سلوک کا مطالبہ بھی درست ہے۔
