پاکستان نے بھارتی الزامات مسترد کر دئیے

دفتر خارجہ نے بھارتی وزیر اعظم نریندر مودی کے گجرات کے اسمبلی انتخابات میں مداخلت کے الزامات کو مسترد کرتے ہوئے کہا ہے کہ وہ سازشیوں پر انحصار کرنا بند کریں۔

ترجمان دفتر خارجہ ڈاکٹر محمد فیصل نے سماجی رابطے کی ویب سائٹ ٹوئٹر پر ایک ٹوئٹ میں کہا کہ بھارت کو اپنی انتخابی بحث میں سازشیوں کے بجائے اپنی طاقت پر کامیابی حاصل کرنی چاہیے اور پاکستان کو اس میں گھیسٹنا نہ جائے، یہ عمل بالکل بے بنیاد اور غیر ذمہ دارانہ ہے۔

دفتر خارجہ کی جانب سے یہ بیان بھارتی وزیر اعظم نریندر مودی کے الزامات کے بعد سامنے آیا۔

نریندر مودی نے الزام لگایا تھا کہ پاکستان گجرات میں ہونے والے اسمبلی انتخابات میں اثر انداز ہونے کے لیے کانگریس کے رہنماؤں کے ساتھ تعاون کر رہا ہے۔