چھ پاکستانی ہلاکت کی تصدیق، تین اب بھی ’لاپتہ‘ حملہ آور پر فرد جرم عائد

جمعے کو نیوزی لینڈ میں ہونے والے دہشت گرد حملوں کے بعد اب تک پاکستان کے چھ شہریوں کی ہلاکت کی تصدیق ہو گئی ہے جبکہ تین اب بھی ’لاپتہ‘ہیں جن میں ایک خاتون بھی شامل ہیں۔ 

کرائسٹ چرچ میں جمعہ کے روز دو مساجد پر ہونے والے ان حملوں میں 49 افراد ہلاک اور 20 سے زیادہ زخمی ہوئے تھے۔ 

پاکستانی وزارت خارجہ کے ترجمان ڈاکٹر فیصل کے مطابق چھ پاکستانیوں کی ہلاکت کی تصدیق ہو گئی ہے جن میں سہیل شاہد، سید جہانداد علی، سید اریب، محبوب ہارون، نعیم رشید اور طلحہ نعیم شامل ہیں۔ تین افراد اب بھی ’لاپتہ‘ ہیں۔ اس کے علاوہ چار پاکستانی زخمی ہیں جن کا علاج جاری ہے۔