ہالینڈ کی پولیس نے یوٹریکٹ میں ٹرام میں فائرنگ کے الزام میں ایک شخص کو گرفتار کر لیا ہے۔ ٹرام میں فائرنگ کے واقعے میں کم از کم تین افراد ہلاک اور پانچ زخمی ہو گئے تھے۔
یوٹریکٹ کے پولیس سربراہ راب وان بری نے ذرائع ابلاغ کے نمائندوں کو بتایا کہ مشتبہ شخص کو گرفتار کر لیا گیا ہے۔
ابھی تک یہ واضح نہیں ہے کہ گرفتارکیے جانے والے شخص کو کہاں رکھا گیا ہے۔
ڈچ پولیس ایک 37 سالہ ترک شہری غوگمن طانش کو تلاش کر رہی تھی۔
ہالینڈ کی انسداد دہشتگردی پولیس نے کہا ہے کہ بظاہر یہ دہشگردی کا واقع ہے۔
