سوئیڈن کے وزیراعظم اسٹیفن لوفوین نے اپنے شہریوں کو خبردار کیا ہے کہ آپ لوگ ملک میں کورونا وائرس کی وجہ سے ہزاروں اموات کے لیے تیار ہوجائیں۔
سوئیڈش وزیراعظم نے ملک میں کورونا وائرس کی وبا کے ممکنہ پھیلاؤ کی وجہ سے لاک ڈاؤن اور سخت اقدامات کے اعلان کیا تھا، تاہم سوئیڈن کے شہریوں نے اس اعلان کے باوجود اس پر عمل کرنے سے گریز کیا۔
غیر ملکی ویب سائٹ پر شائع رپورٹ کے مطابق سوئیڈن کے وزیراعظم نے اعتراف کیا ہے کہ ملک میں کئی ایسے کورونا متاثرہ مریض ہیں جن کی حالت تشویش ناک ہے جنہیں انتہائی نگہداشت کی ضرورت ہے۔
