گزشتہ کئی برسوں سے زمین کو سورج کی نقصان دہ شعاعوں سے بچانے والی حفاظتی تہہ یا اوزون میں سوراخ پیدا ہو گئےتھے جو زمین کی حدت میں اضافے کا سبب بن رہے تھے تاہم اب شمالی قطب کے اوپر موجود سوراخ بند ہوگیا ہے۔
زمین کا مشاہدہ کرنے کا یورپی یونین کا ادارہ (سی اے ایم ایس) اس سوراخ کی نگرانی کر رہا تھا۔ اس ادارے کی جانب سے اس کے بند ہونے کا گزشتہ ہفتےاعلان کیا گیا۔ کورونا وائرس کے دوران کیے جانے والے لاک ڈاؤن کی وجہ سے فضائی آلودگی میں کمی آئی ہے اورعام طورپرخیال کیا جا رہا تھا کہ اوزون کے تہہ میں موجود یہ سوراخ اسی وجہ سے بند ہوا تھا تاہم نیولِس نے اس خیال کو مسترد کردیا اورکہاکہ اس سوراخ کا بند ہونے کا کووڈ انیس کے لاک ڈاؤن سے کوئی تعلق نہیں۔
